Qalada turaqty sý basatyn 56 ýchaske belgili, onyń 8-i Jetisý aýdanynda ornalasqan.
Bul týraly qala ákimi Erbolat Dosaevtyń Jetisý aýdany túrǵyndarymen ótken kezdesýde belgili boldy, dep habarlaıdy Almaty-akshamy.kz.
«Osy 8 ýchaskeni sý basý máselesin sheshý úshin qala ákimdigi tótenshe jaǵdaılar jelisi boıynsha osy jyldyń tamyz aıynda 7,2 km aryq salý, 2,2 km kolektorlardy qalpyna keltirý jáne Esentaı kanalynyń 2,5 km bóligin tazartý jumystaryn bastady. Jumystardy jyldyń sońyna deıin aıaqtaý josparlanyp otyr», - dedi qala ákimi Erbolat Dosaev.
Sondaı-aq aýdannyń óz kúshimen bıylǵy maýsym aıynda 27 mekenjaıdaǵy aryq jelisiniń ótkizý qabiletin jaqsartý úshin 4,4 km aryq jelisin jańǵyrtý jumystary bastaldy. Qazirdiń ózinde 3,2 km aryq salyndy. Qalǵan 1,2 km osy jylǵy qazan aıynyń sońyna deıin aıaqtalatyn bolady.