55,2 km aryq jelisin salý jáne rekonstrýksıalaý jumystary júrgizilýde.
Barlyq ýchaskelerdi avtomattandyrylǵan sýarý júıesine kóshirý máselesi qarastyrylýda, dep habarlaıdy Almaty-akshamy.kz
Jasyl qordy saqtaý úshin aýdanda kólemi 163,4 ga bolatyn 27 ýchaskede sýarý qubyry ornatyldy.
Maýsym aıynda apattyq jaǵdaıdaǵy aǵashtardy sanıtarlyq kesý jáne qulatý jumystary bastaldy. Búgingi kúni josparlanǵan 4 500 aǵashtyń 2 600-in sanıtarlyq kesý, josparlanǵan 2 500-den apatty jaǵdaıdaǵy 600 aǵashty qulatý jumystary júrgizildi.
Sondaı-aq 435 myń aǵashty 4 eseli bıologıalyq óńdeý júrgizilýde.
Aýla ishindegi aýmaqtarda aǵashtardy sanıtarlyq kesý jumystary qaıta bastaldy. Buǵan deıin bul máselemen turǵyn úılerdi basqarý organdary aınalysqan bolatyn.
Turǵyndardyń turýyna qolaıly jaǵdaı jasaý úshin 80 aýla aýmaǵyna kúrdeli jóndeý jumystary júrgizilýde. Sondaı-aq bıyl 90 aýlany aǵymdaǵy jóndeý josparlanǵan.
«Halyq qatysatyn búdjet» jobasy aıasynda turǵyndardyń ótinimderi boıynsha 1-shi kezeńde 800 mln teńge somasyna 17 joba irikteldi. Konkýrstyq rásimder ótkizildi, 15 joba boıynsha qurylys-montajdaý jumystary júrgizilýde. Jumystardy osy jyldyń qyrkúıeginde aıaqtaýdy josparlap otyrmyz. 2 joba boıynsha konkýrstyq rásimder júrip jatyr.
Osy baǵdarlama boıynsha bıyl 2-shi kezeńge 875 mln. teńge bólindi. Aýdan turǵyndary 100 ótinim berdi, onyń ishinde 2-14 mamyr aralyǵynda turǵyndardan eń kóp daýys jınaǵan 23 joba tańdaldy. Jobalardy iske asyrý osy jyldyń tamyz aıynda bastalady.