Medısınalyq qyzmetterdiń sapasyn jaqsartý úshin bıyl maýsym aıynda «Kerýen Medicus» medısınalyq ortalyǵynda 40 oryndyq jańa perzenthana korpýsy jáne aýysymyna 300 kelýshige arnalǵan emhana ashyldy, dep habarlaıdy Almaty-akshamy.kz.
«Qazan aıynda 300 oryndyq «Balalar jedel járdem ortalyǵynyń» operasıalyq blogymen birge qabyldaý bólimshesiniń jańa korpýsyn ashý josparlanǵan», -dedi qala ákimi E.Dosaev Bostandyq aýdany turǵyndarymen kezdesýinde.
Medısınalyq mekemelerdiń júktemesin azaıtý maqsatynda ákimdik 6 densaýlyq saqtaý obektisin salý jáne rekonstrýksıalaýdy josparlap otyr.
«Árqaısysy 500 oryndyq 2 jańa emhananyń jáne Ortalyq qalalyq klınıkalyq aýrýhananyń 500 oryndyq jańa korpýsy jobalanýda. Bul obektilerdiń qurylysy 2024 jyly bastalady.
Perınatologıa jáne balalar kardıohırýrgıasy ortalyǵynyń ǵımaratyn, sondaı-aq №4 jáne №12 emhanalardy kúrdeli jóndeý jumystary jobalanýda. №4 jáne №12 emhanalardy jóndeý jumystary qarasha aıynda, al Perınatologıa jáne balalar kardıohırýrgıasy ortalyǵy kelesi jyldyń naýryz aıynda bastalady», -dedi qala ákimi.