Antıkor memlekettik baǵdarlama aıasynda jemqorlyq táýekelderin anyqtady
Almaty oblysynda “Artsport" memlekettik baǵdarlamasy aıasynda jemqorlyq táýekelderi anyqtaldy, dep habarlaıdy Almaty-akshamy.kz.
QR Sybaılas jemqorlyqqa qarsy is-qımyl agenttiginiń Almaty oblysy boıynsha departamenti jeltoqsan aıynda «Artsport» memlekettik baǵdarlamasy sheńberinde memlekettik sporttyq jáne shyǵarmashylyq tapsyrysty jan basyna shaqqandaǵy normatıvtik qarjylandyrý salasyndaǵy sybaılas jemqorlyqqa qarsy monıtorıńti aıaqtady, monıtorıń barysynda memlekettik tapsyrysty ónim berýshiler arasynda bólý kezinde ashyqtyqtyń bolmaýyna, ónim berýshilerdiń irikteý kezinde jalǵan qujattardy usynýyna, búdjet qarajatynyń orynsyz jumsalýyna baılanysty, artsport.edu.kz platformasynyń jetilmegendigi jáne operator tarapynan tıisti baqylaýdyń bolmaýy sekildi birqatar sybaılas jemqorlyq táýekelderi belgilendi.
«Mysaly, osy jyly 9 jeltoqsanda sot úkimimen dene shynyqtyrý jáne sport basqarmasynyń bas mamany "Artsport" baǵdarlamasy boıynsha jan basyna shaqqandaǵy qarjylandyrýdyń memlekettik tapsyrysyna qatysý úshin ónim berýshiniń ótinimin oń qaraǵany úshin kásipkerden 400 000 teńge kóleminde para alǵany úshin kináli dep tanylyp, oǵan 12 mln teńge kóleminde aıyppul (para somasynyń 30 eselengen mólsheri), al kásipkerge 800 myń teńge kóleminde aıyppul jazasy taǵaıyndaldy», - delingen habarlamada.
Atalǵan sybaılas jemqorlyq quqyqbuzýshylyqty jasaýdyń sebebi – memlekettik tapsyrys operatorlarynyń qalaýy boıynsha ókilettikterdiń bolýy nátıjesinde memlekettik tapsyrys úshin ónim berýshilerdi irikteý jónindegi sheshimderdi qabyldaý rásimin egjeı-tegjeıli reglamentteýi.
Sondaı-aq jetkizýshilerdiń oblystyń ártúrli aýdandarynda bir mezgilde qyzmet kórsetý faktisi anyqtaldy, bul kórsetiletin qyzmetterdiń oryndalýyna kúmán keltiredi.
Máselen, Almaty oblysynda kásipker sporttyń 15 túri boıynsha memlekettik tapsyrysty jeńip alyp, ara qashyqtyǵy 65 km quraıtyn oblystyń eki aýdan ortalyǵynda ornalasqan(İle aýdanynda, Ótegen batyr kentinde jáne Eńbekshiqazaq aýdanynda, Esik qalasy). "dzúdo" jáne "shahmat" jattyǵýlary úshin "S" jattyqtyrýshysyn jaldaǵan.
Sondaı-aq, taǵy bir kásipker "B" jattyqtyrýshysyn jaldaıdy, qujattarǵa sáıkes Uzynaǵash aýylynda (Jambyl aýdany) jáne Esik qalasynda (Talǵar aýdany) ol kórkem gımnastıkadan sabaq beredi, olardyń arasyndaǵy qashyqtyq 100 km-den asady.
Sonymen qatar Almaty oblysy kóshi-qon polısıasy basqarmasynyń derekteri boıynsha "Artsport" platformasynda 552 birlik kóleminde JSN joq nemese derekterge sáıkes kelmeıtin ata-analar tirkelgen.
«Memlekettik sporttyq tapsyrysty jan basyna shaqqandaǵy normatıvtik qarjylandyrýdyń aldyn ala esepteýleri boıynsha memleket aǵymdaǵy jyly 552 naqty jumys jasamaıtyn tulǵalarǵa (osy jyldyń 1 qańtarynan qazan aıyna deıin) 75 mln teńge somasynda búdjet qarajatyn tólegen (mádenıet jáne sport basqarmasynyń derekteri boıynsha ár balaǵa aı saıyn orta eseppen 13 600 teńge mólsherinde búdjet qarajaty kózdelgen)», - delingen habarlamada.
Joǵaryda atalǵan barlyq faktiler sybaılas jemqorlyqqa qarsy qyzmettiń óndirisine alyndy.
Joǵaryda baıandalǵan jáne taldamalyq anyqtamada baıandalǵan ózge de faktiler negizinde Almaty oblysynyń ákimdigine sybaılas jemqorlyq táýekelderin joıý usynyldy.