Bir saǵatqa sozylǵan báseke barysynda E.Rybakına 3 eıs jasap, 5 breık-poınttyń tórteýin óz paıdasyna jazdy
Qazaqstandyq Elena Rybakına Dýbaıda (BAÁ) ótip jatqan World Tennis League komandalyq týrnıriniń toptyq básekesinde álemniń tórtinshi raketkasy, fransıalyq Karolın Garsıamen kortqa shyqty, dep habarlaıdy Almaty-akshamy.kz QazAqparatqa silteme jasap.
Qazaqstannyń birinshi, álemniń 21-raketkasy qarsylasyn 7:5, 6:1 esebimen tize búktirdi.
Bir saǵatqa sozylǵan báseke barysynda E.Rybakına 3 eıs jasap, 5 breık-poınttyń tórteýin óz paıdasyna jazdy.
Osylaısha, «Qarshyǵalar» tobynda óner kórsetetin E.Rybakına úsh kezdesýinde de qarsylastarynan basym tústi.
Keshe Astanada «Qazmedıa» ortalyǵynda QR Mádenıet jáne sport mınıstrligi úzdik sportshylar, bapkerler, mekemelerdi marapattaǵan edi. Onda «Jyl jańalyǵy – úzdik sportshy» atalymy boıynsha jeńimpaz atanǵan Elena Rybakına osyǵan oraı óziniń alǵysyn bildirdi.
«Maǵan daýys bergenderdiń bárine alǵysymdy aıtqym keledi. Bul men úshin úlken qurmet jáne óte mańyzdy. Ókinishke qaraı, Dýbaıda bolǵandyqtan, marapatty ózim ala almadym. Taıaý ýaqytta Aýstralıadaǵy jarystarǵa attanamyn. Jyl boıy maǵan jankúıer bolǵan qazaqstandyqtardyń bárine rızashylyǵymdy bildiremin. Jańa jylda da sizderdi oıynymmen jáne tabystarymmen qýantamyn dep oılaımyn», - dedi E.Rybakına.
Eske sala keteıik, budan buryn Elena Rybakınanyń «Altyn adam» syılyǵynyń laýreaty atanǵanyn jazǵan bolatynbyz.
Sondaı-aq qazaqstandyq Eýropadaǵy úzdik jas tenısshi atandy.
Elena Rybakına Dýbaıda ekinshi jeńisine qol jetkizdi.
Balýan qyz Jámıla Baqbergenova «Jyldyń úzdik sportshysy» atandy.