Jaqynda "Alatau-Aqparat" medıaholdınginde "Atyraý-Aqparat" JSHS dırektorynyń orynbasary Serik Qabdolov keldi.
Kezdesý barysynda taraptar medıa salasyndaǵy ózara is-qımyldy nyǵaıtý, óńirlik aqparat keńistigin damytý jáne zamanaýı tehnologıalardy engizý baǵytyndaǵy tájirıbeni bólisti. Ásirese, jasandy ıntellektini redaksıalyq jumysqa engizý tájirıbesi týraly aqparat berildi.
Qonaqqa "Alatau-Aqparat" quramyndaǵy saıttar men basylymdardyń, sondaı-aq áleýmettik jelilerdegi aqparattyq jumystar qalaı uıymdastyrylyp jatqany jáne jasandy ıntellekt quraldarynyń redaksıalyq prosesterge qalaı ıntegrasıalanǵany tanystyryldy. Serik Qabdolov bul baǵyttaǵy jumystardyń medıanyń sapasy men jedeldigin arttyrýǵa yqpal etetinin atap ótti.
Kezdesý sońynda taraptar ózara yntymaqtastyq týraly memorandýmǵa qol qoıdy. Qujat aıasynda aqparat almasýdy júıeleý, birlesken jobalar men aımaqtyq medıanyń damýyna serpin beretin bastamalardy iske asyrý kózdelgen.
Serik Qabdolov óz kezeginde "Atyraý-Aqparat" pen "Alatau-Aqparat" arasyndaǵy áriptestiktiń eki óńirdiń medıa keńistigine jańa serpin berip, kásibı tájirıbe men ıdeıa almasýdyń tıimdi alańyna aınalatynyna senim bildirdi.
Al "Alatau-Aqparat" medıaholdınginiń bas dırektory Erjan Qalymbaıuly áriptes uıymdarmen osyndaı tájirıbe almasý kezdesýleri óńirlik jýrnalısıkanyń damýyna, zamanaýı medıa úrdisterdi meńgerýge jáne aqparattyq saıasatty jańa deńgeıge kóterýge jol ashatynyn atap ótti.