Air Astana-nyń bas dırektory Pıter Foster 2026 jyly qyzmetinen ketedi, - dep habarlaıdy aqshamnews.kz tilshisi.
Air Astana AQ dırektorlar keńesi kompanıanyń bas atqarýshy dırektory jáne dırektorlar keńesiniń múshesi Pıter Foster 2026 jylǵy naýryzda qyzmetinen ketetinin habarlady. Degenmen ol kompanıalar tobymen baılanysyn saqtap, dırektorlar keńesine aǵa keńesshi retinde qyzmetin jalǵastyrady.
Fosterdiń ornyna qazirgi qarjy jónindegi atqarýshy dırektor Ibrahım Janlyel bas atqarýshy dırektor bolyp taǵaıyndalmaq.
Dırektorlar keńesiniń tóraǵasy Nurlan Jaqupov Pıter Fosterdiń kompanıany 20 jyl boıy tabysty basqarǵanyn atap ótti.
"Pıter Foster kompanıany qurylǵan kezinen bastap Qazaqstan men Ortalyq Azıanyń jetekshi áýe kompanıasyna, álemdik deńgeıde moıyndalǵan brendke aınaldyrdy. Onyń eńbegi zor", – dedi ol.
Aıta keteıik, buǵan deıin Májilis depýtaty Edil Jańbyrshın Úkimet saǵatynda Air Astana AQ bas atqarýshy dırektory Pıter Fosterge eskertý jasady.