Ansámbldiń tusaýkeseri jeltoqsan aıynda ótedi.
Bul týraly Roza Baǵlanova atyndaǵy «Qazaqkonsert» memlekettik konserttik uıymynyń dırektory Aqtoty Raıymqulova málimdedi, dep habarlaıdy Almaty-akshamy.kz.
Bıyl Qazaqstannyń 76 elmen qurylǵan dıplomatıalyq qarym-qatynastardyń 30 jyldyǵy atalyp ótiledi. Osyǵan oraı «Qazaqkonsert» memlekettik konserttik uıymy «Álem saz» atty halyqaralyq deńgeıdegi jobany bastady. Festıvál aıasynda ártúrli elderden kelgen mýzykanttar, bıshiler, aspapshylar, aspaptanýshylar óz ónerlerin ortaǵa salady.
Sonymen qatar elimizdiń brendine aınalǵan «Gúlder» ansambli qaıta jańǵyrtylyp, «Qazaqkonsert» aıasynda ashylady. Kúrdeli jáne kásibı irikteýden ótken jas talantty mýzykanttar, bıshiler qazir daıyndalyp jatyr. Ansámbldiń tusaýkeseri jeltoqsan aıynda ótkizilmek.
Sondaı-aq, bıyl Balalar jylyna oraı birqatar joba qolǵa alyndy.
«Arman asýlary» atty erekshe qajettilikteri bar ınklúzıvti talantty jastarǵa arnalǵan joba ákimshiliktermen jáne qoǵamdyq qorlardyń qatysýymen júzege asyrylady. Sonymen qatar Balalar fılarmonıasy "Jazǵy kıno" atty jobalardy jas búldirshinderge usynýda. Jaz boıy 25 myńnan astam bala «Qazaqstan» ortalyq konsert zalynda otandyq, kıno, anımasıalyq týyndylardy tamashalady, - dedi A.Raıymqulova.