Almatyda jarty aı ishinde túngi ýaqytta 38 ret ishimdik satylǵan.
Mundaı málimetterdi jergilikti polısıa qyzmeti is-sharanyń aralyq qorytyndysyn shyǵara otyryp keltiredi, dep habarlaıdy Almaty-akshamy.kz Polisia.kz-ke silteme jasap.
«Arnaıy mobıldi toptar saýda oryndaryn tekserip, alkogól ónimderin satýǵa qatysty zańnama talaptaryn barlyǵy birdeı oryndamaıtyndyǵyna kóz jetkizdi. Ásirese, mundaı buzýshylyqtar túnde ishimdik satatyn, tipti keıde 21 jasqa tolmaǵan adamdarǵa da satatyn shaǵyn azyq-túlik dúkenderiniń satýshylary arasynda jıi kezdesedi. Máselen, jyl basynan beri qaladaǵy ıývenaldy polısıa qyzmetkerleri osyǵan uqsas 68 quqyq buzýshylyqty anyqtaǵan. Olarǵa aıyppul salyndy. Sonymen qatar, nátıjesinde 36 dúkenniń qyzmeti bir aı merzimge toqtatyldy, taǵy eki saýda orny birneshe ret zańbuzýshylyq jasaǵany úshin alkogóldik ónimderdi satý lısenzıasynan aıyryldy», – dedi Almaty qalasy PD Jergilikti polısıa qyzmeti basqarmasynyń basshysy Erjan Uzabaev.
Baıandamashy mundaı zań buzýshylyqtarǵa birneshe ret jol bergen kásipkerlerdi aıtty.
– “Ójet” shaǵynaýdanyndaǵy “Bereke” dúkeni. “JK Djýmagalıeva” sot sheshimimen alkogól ónimin satý lısenzıasynan aıyryldy, sondaı-aq, 163 352 teńge somasynda 80 AEK kóleminde ákimshilik aıyppul salyndy.
– “Juldyz” shaǵynaýdanyndaǵy Dónentaev kóshesiniń boıyndaǵy “Bastaý” dúkeni. “JK Babataev” sot sheshimimen alkogól ónimin satý lısenzıasynan aıyryldy jáne aıyppul salyndy.