Sıfrlandyrý mektepke deıingi bilimdi de qamtıdy.
Oqý-aǵartý mınıstri Asqat Aımaǵambetov bilim salasyndaǵy qandaı qyzmetter sıfrlandyrylatynyn aıtty, dep habarlaıdy Almaty-akshamy.kz
Mınıstrdiń aıtýynsha, ár muǵalimniń sıfrlyq portfolıosy paıda bolady. Sáıkesinshe, pedagogtiń attestasıasy, jumysqa qabyldaý rásimi, konkýrstarǵa qatysýy, jetistikteri jáne barlyq aqparaty sol júıege júktelip, elektrondy formatta ótedi.
«Mektepterde oqýlyqtardy tańdaý men monıtorıńteý sıfrlyq formatqa kóshiriledi. Atestattar men dıplomdar QR-kodpen sıfrlyq formatta beriledi. Ár oqýshynyń da sıfrlyq profıli eńgiziledi, onda oqýshynyń balabaqshadan bastap mektep, álde kolej bitirgenge deıingi akademıalyq, áleýmettik jetistikteri, baǵalary, quzyretter kartasy, bir sózben aıtqanda, sıflyq izi qalyptastyrylady», - dedi Aımaǵambetov Úkimet otyrysynda.
Sıfrlandyrý mektepke deıingi bilimdi de qamtıdy. Mınıstr búgingi tańda balabaqshalarǵa kezek sıfrlyq formatqa kóshirilgenin atap ótti. Desek te, áli de úlken másele bar.
«Kezekke qoıý boıynsha oblystarda 44 aqparattyq júıe paıdalanylady, birizdilik joq, táýekelder bar. Osy máseleni sheshý maqsatynda ortalyqtandyrylǵan balabaqshalarǵa biryńǵaı kezek engiziledi. Bul balabaqshaǵa kezekke turýdy, berilgen joldamany baqylaýǵa, oryndardy bólý kezinde táýekelderdi boldyrmaýǵa múmkindik beredi», - dedi vedomstvo basshysy.
Aımaǵambetov eń qajetti qyzmetter tolyǵymen eGov pen iri bankterdiń mobıldi qosymshalarynda qoljetimdi bolatynyn aıtty.