«Almaty jastary» jeńildetilgen nesıe berý baǵdarlamasy aıasynda ótinimderdi qosymsha irikteý qorytyndylary týraly
Almaty qalasy ákimdigi 2022 jylǵy 10-14 qazan aralyǵynda www.almaty-zhastary.kz saıty arqyly «Almaty jastary» qalalyq jeńildikpen nesıelendirý baǵdarlamasyna qatysý úshin ótinimderdi qosymsha irikteýdi júzege asyrdy, - dep habarlaıdy almaty-akshamy.kz
Baǵdarlamaǵa aǵymdaǵy jyldyń negizgi konkýrstyq irikteý kezeńinde (2022 jylǵy 18 mamyrdan 1 maýsymǵa deıin) ótinim bergen, biraq qujattardyń durys toltyrylmaýyna/rásimdelmeýine/berilmeýine baılanysty ótpegen ótinish berýshiler ǵana qatysty.
Ótinishter men qujattardy qabyldaý qorytyndysy boıynsha 2135 qatysýshy óz ótinimderin redaksıalady jáne qujattaryn jańartty.
Barlyq kelip túsken ótinishter men qujattardyń baǵdarlama talaptaryna sáıkestigi tekserildi jáne ár sala boıynsha eń kóp jınaǵan baldar sany boıynsha tizim qalyptastyryldy.
İriktelgen qatysýshylardyń tizimi, rezervke engizilgen jáne qabyldanbaǵan qatysýshylardyń tizimderi ótinimderdi qabyldaý www.almaty-zhastary.kz saıtynda ornalastyrylǵan.
İriktelgen 183 úmitkerlerge saıttaǵy jeke kabınetke «Otbasy bank» AQ tólem qabilettiligin rastaý úshin joldama berildi.
Eske salsaq, osy baǵdarlama aıasynda keminde 1000 nesıe berý josparlanǵan. Búginde baǵdarlama boıynsha 829 qatysýshy baspanaly boldy, taǵy 27 qatysýshy baspana izdeýde.
Almaty qalasy komýnaldyq ınfraqurylymdy damytý basqarmasy