Nurǵalı Álimbaev, Úlken aýylynyń turǵyny:
Meniń oıymsha, atom elektr stansıasy bizdiń aımaqqa óte qajet. Halyq birneshe jyldan beri "salynady" dep kútip júr, biraq naqty qadamdar jasalmady. Aýyl turǵyndary AES-tiń paıdasyn kópten beri sezinýdi kútip júr, ásirese jumyssyzdyq máselesi sheshilse, kóptegen jastarǵa múmkindik ashylady.
AES qurylysy arqyly tek jumys oryndary ǵana emes, sonymen qatar aýyldyń ınfraqurylymy da damıdy dep senemiz. Joldar jóndelip, qyzmet kórsetý salalary keńeıip, halyqtyń ómir súrý deńgeıi arta túsedi. Aýylymyzdaǵy kásipkerler men sharýalarǵa da úlken serpilis beredi dep oılaımyn.
Elektr energıasynyń tapshylyǵy jyldan jylǵa artyp keledi, jáne bul tek bizdiń aımaqqa ǵana emes, búkil elge úlken problema bolyp tur. AES salý elimizdiń energetıkalyq táýelsizdigin nyǵaıtýǵa, syrttan keletin energıaǵa táýeldilikti azaıtýǵa múmkindik beredi. Onyń ústine, atom energıasy – bolashaqtyń energıasy. Odan qorqýdyń qajeti joq, kerisinshe, zamanaýı tehnologıalardyń arqasynda qaýipsizdik joǵary deńgeıde qamtamasyz etiledi.
Úlken aýylynyń turǵyndary Balqash kóliniń jaǵalaýynan AES salý týraly bastamany qyzý qoldap otyr. Bul bizdiń aımaq úshin úlken múmkindik dep bilemiz.