Qymbat İlıasova, Úlken aýylynyń turǵyny:
AES tek energıa kózi emes, ol – aýylymyzdy qaıta jandandyrýdyń joly Úlken aýylynyń basty máselelerin osy jerde turatyn halyqtan artyq eshkim bilmeıdi. Atom elektr stansıasyn salamyz degen jańalyqty estigennen beri aýyl turǵyndary bul bastamany qoldap, stansıa qurylysy tezirek bastalsa eken dep kútip otyr. Sebebi, AES salý tek Úlkenniń ǵana emes, búkil eldiń energetıkalyq táýelsizdigine jol ashady dep senemiz. Energıa tapshylyǵy jyldan jylǵa artyp keledi, al atom energetıkasy osy máseleni sheshýdiń eń tıimdi joldarynyń biri bolmaq.
Qazir álem boıynsha 27 memleket AES salýdy josparlap otyr, onyń ishinde 17 memleket naqty sheshim qabyldady. Sonyń ishinde Qazaqstannyń da bolýy bizdi qýantady. Bul bizdiń bolashaǵymyzǵa jasalǵan úlken qadam. Óıtkeni, AES tek energıa kózi ǵana emes, eldiń ekonomıkalyq jáne ónerkásiptik damýyna da zor yqpal etedi.
AES tek energıa kózi emes, ol – aýylymyzdy qaıta jandandyrýdyń joly. Aýylda jumys joq, jastar úlken qalalarǵa ketip jatyr. Al AES salynatyn bolsa, Úlken aýyly qaıta jandanyp, turǵyndar turaqtaıdy. Biz bolashaǵymyzdy osy jobamen baılanystyramyz, sebebi aýylymyzǵa turaqtylyq pen damý qajet. Aýyl turǵyndary Úlkenniń bolashaǵy úshin atom elektr stansıasy sıaqty iri jobalardyń mańyzy zor ekendigin túsinedi jáne bul bastamany biraýyzdan qoldap otyr.