Energetıka mınıstrligi men eksperttik qaýymdastyqtyń málimetterine súıensek, qazirgi zamanǵy atom elektr stansıalarynda apat bolý yqtımaldyǵy 10-nyń mınýs 7 dárejesinde, ıaǵnı jylyna 10 mıllıon jylda bir ret apat bolýy múmkin. Bul kórsetkish — óte tómen yqtımaldyq, ıaǵnı zamanaýı reaktorlardyń qaýipsizdigi joǵary deńgeıde qamtamasyz etilgen.
Tarıhtaǵy atom energetıkasyna qatysty barlyq ınsıdentter eskerilip, qazirgi reaktorlardyń jobalaryna sáıkes ózgerister engizilgen. Sondyqtan zamanaýı AES-ter qaýipsizdik turǵysynan barynsha senimdi.
Búginde álemniń 31 elinde 400-den astam atom reaktory jumys istep tur. Bul elder qatarynda AQSH, Fransıa sıaqty alpaýyt elder bar, olar atom energetıkasyn belsendi túrde paıdalanyp keledi. Kórshiles Qytaıda 56 reaktor jumys istese, taǵy 27 reaktordyń qurylysy júrgizilýde. Bul atom energetıkasynyń álemde keńinen qoldaý tabatynyn kórsetedi.
Atom energetıkasy elimiz úshin turaqty jáne senimdi energıa kózi bolyp tabylady. Onyń qaýipsizdigi men tıimdiligi álemdik tájirıbede dáleldengen. Beıbit atom arqyly biz energetıkalyq táýelsizdikke qol jetkizip, elimizdiń turaqty damýyn qamtamasyz ete alamyz.