AES salýdy qoldaý jónindegi Halyqtyq shtabtyń Qazaqstan Halyq partıasynyń Jastar qanaty Májilis depýtaty Islam Suńqarmen kezdesýinde AES qurylysynyń mańyzy men atom energetıkasynyń artyqshylyqtary talqylandy.
Kezdesýge JOO stýdentteri men QHP Jastar qanatynyń ókilderi qatysty. Májilis depýtaty elimizdegi elektr energıasynyń tapshylyǵyn aıtyp, AES-tiń qajettiligin túsindirdi. 2023 jyly Qazaqstan Reseıden elektr energıasyn eki ese qymbat baǵamen ımporttaǵanyn atap ótti. Bul, ásirese, tutynýshylar men bızneske zıanyn tıgizgenin aıtty.
Kezdesý barysynda atom energetıkasynyń ekologıalyq tıimdiligi men álemdik tájirıbesi talqylanyp, AES salý elimizdiń energetıkalyq táýelsizdigin nyǵaıtyp, jańa jumys oryndaryn ashatyny aıtyldy. Jastar tarapynan qoıylǵan suraqtar negizinde kıberqaýipsizdik, kadr daıarlaý jáne AES-tiń qorǵalýy týraly máseleler qozǵaldy. Islam Suńqar AES qurylysy halyqaralyq baqylaýda bolatynyn jáne Qazaqstanda bilikti mamandardyń jetkilikti ekenin atap ótti. Jastar referendýmǵa belsendi qatysyp, óz tańdaýyn jasaýdyń mańyzdylyǵyn aıtty.