Bul kezdesýlerde shtab ókilderi atom elektr stansasynyń (AES) Qazaqstan ekonomıkasyn damytýǵa áseri týraly naqty aqparat berip, onyń strategıalyq mańyzdylyǵyn atap ótti.
Aqparattyq naýqan barysynda AES salýdy qoldaý jónindegi shtab ókilderi «JaıyqJylýQýat», «Batys Sý Arnasy», «Jaıyq Taza Qala» jáne jedel járdem stansasy sıaqty jetekshi kásiporyndardyń eńbek ujymdarymen kezdesti.
Kezdesýlerde aıtylǵan negizgi máseleler:
- Ekonomıkalyq damý jáne jumys oryndary: AES qurylysynan bastap jańa jumys oryndary ashylyp, óńirdiń ekonomıkalyq damýyna serpin beredi.
- Energetıkalyq táýelsizdik: AES elimizdiń turaqty, senimdi energıamen qamtamasyz etilýine jáne syrtqy táýeldilikti azaıtýǵa yqpal etedi.
- Ekologıalyq qaýipsizdik: Zamanaýı tehnologıalar men halyqaralyq standarttar qoldanylyp, qorshaǵan ortaǵa zıan tıgizbeý máselesine erekshe nazar aýdarylady.
Kezdesý barysynda qyzmetkerler belsendi pikir bildirip, túrli suraqtar qoıdy. Halyqtyq shtabtyń bul kezdesýleri qoǵamda AES salýǵa qatysty ashyq dıalogty qamtamasyz etýge baǵyttalǵan.