Máýlen Áshimbaev bastaǵan AES salýdy qoldaý jónindegi halyqtyq shtabtyń Almaty qalasyndaǵy kezdesýinde energetıkalyq qaýipsizdik pen AES qurylysynyń mańyzy talqylandy. Shtab quramynda depýtattar, sarapshylar, qoǵam qaıratkerleri, sondaı-aq Qazaqstan halqy Assambleıasynyń ókilderi boldy.
Máýlen Áshimbaev Memleket basshysy bastamashy bolǵan AES salýǵa qatysty respýblıkalyq referendýmnyń eldiń damýy úshin mańyzdy qadam ekenin atap ótti. Onyń aıtýynsha, elektr energıasyna degen suranys artyp keledi, bul – álemdik úrdis. Sondyqtan elektr energıasy kózderin ártaraptandyrý Qazaqstan úshin óte ózekti bolyp otyr.
AES salý strategıalyq mánge ıe, óıtkeni elektr qýatyn turaqty túrde óndirý eldiń ekonomıkasy men damýyna jańa serpin berip, energetıkalyq táýelsizdikti qamtamasyz etedi. Sonymen qatar atom energetıkasy ǵylymdy qajet etetin sala bolǵandyqtan, ol joǵary bilikti mamandar daıarlaýǵa, ınovasıalardy óndiriske engizýge jáne ekonomıkany damytýǵa yqpal etetinin aıtty.
AES qurylysy myńdaǵan jańa jumys ornyn ashýǵa múmkindik berip, basqa da salalarda qosymsha jumys oryndaryn qamtamasyz etetin mýltıplıkatıvti áserge ıe.
Kezdesýler barysynda referendýmǵa qatysýshylardyń daýysy sheshýshi ról atqaratyny jáne bul qadam eldiń damýyna jańa baǵyt beretinin erekshe atap ótti.