Qazaqstan táýelsizdik alǵan sátten bastap nebári 33 jasqa tolǵan jas memleket. Biraq jasyna qaramastan, bizdiń elimizde úlken jáne órshil josparlar júzege asyp keledi.
Qoǵam talqysyndaǵy búgingi kúnniń ózekti máseleleriniń biri – AES salý. Bul máselede jastardyń da pikirimen sanasyp, oı bólisýdi jón sanaǵandaryńyz úshin rahmet aıtamyn.
Qazirgi zamanǵy atom elektr stansıalaryn el úshin energıa óndirýdiń negizgi kózi dep jáne ony qaýipsiz túrde «jasyl energetıka» dep ataýǵa bolady. Óıtkeni, atom elektr stansıalary – álemdegi elektr energıasynyń mańyzdy kózderiniń biri. AES arqyly kóptegen elder ekonomıkalyq jáne áleýmettik damýdaǵy negizgi máselelerin sheship jatyr. Máselen, sońǵy ýaqytta elimizde elektr qýatynyń jetispeýshiliginen jeldetkishterdiń óship qalyp jatatyn jaǵdaılar jıilep ketkenin bilemiz. Meniń túsinigimde óz qyzmeti úshin kómir nemese gazdy paıdalanatyn JEO sıaqty balamaly elektr energıasyn óndirýshilermen salystyrǵanda, AES energıa tıimdiligi boıynsha absolútti kóshbasshy bola alady. Onyń artyqshylyqtary kóp, máselen, ekologıalyq taza energıa: Atom elektr stansıalary klımattyń ózgerýiniń negizgi sebebi bolyp tabylatyn kómirqyshqyl gazy (SO2) sıaqty parnıktik gazdardy atmosferaǵa shyǵarmaıdy. Olar is júzinde aýa men sýdyń lastanýyna yqpal etpeıdi, bul qorshaǵan ortaǵa áserdi azaıtady.
Jalpy, atom elektr stansıasy, bul óte joǵary tehnologıalyq jáne senimdi keshen, oǵan zamanaýı jabdyqtar, joǵary bilikti kadrlar jáne eń bastysy, bul qaýipsizdiktiń zamanaýı tásili. Sondyqtan AES salý bizdiń ekonomıkamyz úshin aýyr jáne orta ónerkásiptiń damýyna jańa serpin beredi dep oılaımyn.