Atom elektr stansıasy salynsa, elimizde ıadrolyq fızıka ǵylymy damıdy.
Sebebi otandyq oqý oryndarynda jańa fakúltet ashylyp, salalyq mamandar daıyndalady. Bul týraly Taldyqorǵandaǵy İlıas Jansúgirov atyndaǵy Jetisý ýnıversıtetinde ótken jıynda aıtyldy, dep habarlaıdy aqshamnews.kz.
Basqosýda oblystyq máslıhat hatshysy, partıa ókilderi, ǵalymdar men stýdentter ózara suhbat qurdy. Kezdesýde jobanyń ekonomıkalyq tıimdiligi týraly ǵalymdar dáleldi dáıek keltirdi.
Aıtpaı Rahymbekov, fızıka-matematıka ǵylymdarynyń kandıdaty, profesor: - Bir kg ýran 100 tonna kómirdi jaqqandaǵy energıaǵa teń nemese 60 tonna mazýtty munaıdy jaqqan kezdegi energıa ekvıvalentine tepe-teń. Sondyqtan da atom elektr stansıasy óziniń qýatttylyǵyn kórsete alady jáne uzaq ýaqyt adamdardyń qajetine, turmysyna qyzmet etetine sáıkes bola alady.