Astana qalasynyń Ortalyq saıabaǵy mańynda Esil ózenine Zerendi balyq pıtomnıginde respýblıkalyq búdjet qarajaty esebinen memlekettik tapsyrys aıasynda ósirilgen 250 myń balyq shabaǵy jiberildi.
Balyq jiberýge QR Aýyl sharýashylyǵy mınıstrliginiń Balyq sharýashylyǵy komıtetiniń, Astana qalasy ákimdiginiń, qoǵamdyq uıymdardyń, ǵylymı uıymnyń, S.Seıfýllın atyndaǵy QazUATÝ stýdentteriniń jáne Astana turǵyndarynyń ókilderi qatysty, dep habarlaıdy aqshamnews.kz.
Tabıǵı sý qoımalaryndaǵy balyq resýrstaryn saqtaý jáne turaqty paıdalaný maqsatynda, sondaı-aq Astana turǵyndarynyń demalýyna rekreasıalyq jaǵdaılar jasaý maqsatynda jyl saıyn balyq jiberý jumystary júrgiziledi.
Aıta ketetin jaıt, balyq sharýashylyǵy kásiporyndary qazan aıynyń sońyna deıin Aral-Syrdarıa, Balqash-Alakól jáne Esil baseınderiniń sý qoımalaryna taǵy 15 mln balyq shabaǵyn jiberýdi josparlap otyr.