Dostyq úıinde ótken ardagerlermen kezdesýde eldegi energetıkalyq qaýipsizdikti qamtamasyz etýdegi AES-tyń róli talqylandy. Aqmola oblystyq ardagerler keńesiniń tóraǵasy Ermek Nuǵmanov bul jobanyń bolashaq urpaq úshin mańyzdy ekenin atap ótti:
"Aýlada ot jaǵyp, tamaq daıyndaǵan 90-shy jyldar áli esimizde. Sebebi jaryq ta, gaz da bolmaǵan edi. Elektr energıasy áldeqashan órkenıettiń ajyramas ıgiligine aınaldy. Sondyqtan onyń qajettiligin talqylaýdyń da keregi joq. Búginde elimizde jastar sany ósip, týý kórsetkishi artyp keledi, al jumys oryndary áli de jetispeıdi. Biz balalarymyzdyń jarqyn bolashaǵyn qamtamasyz etýimiz kerek. AES – bul erteńgi kúnge degen senim men jumys beretin joba," – dedi ol.
Sonymen qatar, Shtab músheleri Kókshetaý qalasyndaǵy №2 órt sóndirý bóliminiń ujymymen de kezdesti. Depýtattar órt sóndirýshilerdiń eren eńbegin aıryqsha atap ótti:
"Órt sóndirýshiler – zamanymyzdyń zańǵar batyrlary. Olar kún saıyn ózgeni oılap, óz ómirin qaýip-qaterge tigetin eńbek adamdary. Qutqarýshylardyń aıtýynsha, AES jańa múmkindikterge jol ashyp, Qazaqstanǵa óz paıdasyn tıgizedi."
Bul kezdesýler el bolashaǵy úshin mańyzdy sheshim qabyldaýda halyqty ortaq maqsatqa biriktirýge jáne túsinistik ornatýǵa yqpal etedi.