Qazaqstan Respýblıkasy Parlamenti Senatynyń depýtaty Qaırat Tastekeev Borodýlıha aýdanynyń turǵyndarymen kezdesý ótkizdi. Kezdesýde atom elektr stansıasyn salý máselesi talqylandy. Kezdesýge qatysýshylar damyǵan elderdiń atom energetıkasy salasyndaǵy tájirıbesimen tanysyp, aldaǵy referendýmnyń mańyzdylyǵyna erekshe toqtaldy.
Qaırat Tastekeev AES salý – Qazaqstannyń energetıkalyq qaýipsizdigin qamtamasyz etýdiń negizgi qadamy ekenin atap ótti. Atom elektr stansıasy elimizdegi elektr energıasy tapshylyǵyn azaıtyp, turaqty jáne senimdi energıamen jabdyqtaýdy qamtamasyz etedi, sondaı-aq uzaq merzimdi ekonomıkalyq paıda ákeledi. Senator atom energetıkasyn damytý joǵary tehnologıalyq sheshimderdi engizýge yqpal etip, otandyq ǵylym men bilimge de oń áser etetinin erekshe atap ótti.
"AES salý – bul jaı ǵana strategıalyq sheshim emes, bul bolashaq urpaq úshin Qazaqstannyń aldaǵy jyldarǵa turaqty damýyn qamtamasyz etetin mańyzdy qadam," – dep atap ótti Qaırat Tastekeev.
Kezdesý barysynda óńirdiń ekonomıkalyq damýy jáne atom energetıkasynyń ǵylymdy qajet etetin tehnologıalardy jedel damytý jónindegi máseleler talqylandy. Respýblıkalyq halyq shtabynyń músheleri Qazaqstannyń árbir azamatynyń aldaǵy referendýmǵa qatysýy eldiń bolashaǵy úshin asa mańyzdy ekenin atap ótti. Kezdesý belsendi pikir almasý túrinde ótti, onda turǵyndar jobanyń qaýipsizdigi men ekologıalyq aspektilerine qatysty suraqtaryn qoıdy. Barlyq kóterilgen suraqtarǵa tolyqqandy jaýap berildi.