Atom energetıkasy jahandyq deńgeıde energıaǵa degen suranysty qanaǵattandyrýda sheshýshi ról atqarady. Sońǵy 50 jylda atom energetıkasy arqyly 60 Gt-dan astam SO2 qaldyǵynyń bólinýi boldyrmaýǵa kómektesti. Bul búkil jahandyq energetıkalyq sektordyń eki jyldyq qaldyqtaryna teń.
Qaýipsizdik jáne senimdilik: MAGATE halyqaralyq qaýipsizdik standarttaryn qamtamasyz etý maqsatynda táýekelderdi barynsha azaıtý úshin belsendi qoldaý kórsetip otyr. Sonyń arqasynda AES anaǵurlym senimdi qondyrǵy bolyp sanalady.
Álemdik statısıka jáne qurylys: Qazirgi tańda álemniń 31 elinde 415 ıadrolyq energetıkalyq reaktor jumys isteıdi. Qytaı, Úndistan jáne Reseı sekildi kóptegen elder klımattyń ózgerýimen kúresý, turaqty damýdy qamtamasyz etý, energetıkalyq táýelsizdikti nyǵaıtý jáne kómirtegi shyǵaryndylaryn azaıtý maqsatynda jańa atom elektr stansıalaryn belsendi túrde salyp jatyr.
Tehnologıalardyń evolúsıasy: Búginde negizgi úrdis — zamanaýı jáne anaǵurlym qaýipsiz III/III+ býyndy reaktorlarǵa kóshý, al I býyndaǵy eski reaktorlar paıdalanýdan shyǵarylýda.
AES-tiń ekologıa men densaýlyqqa áseri: Atom elektr stansıalary qazirgi tańda kóptegen elderdiń energetıkalyq ınfraqurylymynyń ajyramas bóligine aınalǵan.
Sý resýrstary jáne ekojúıe: Sý qoımalarynyń janynda AES salý arqyly sý resýrstaryn tıimdi paıdalaný múmkin bolady. Atom stansıalary tabıǵı býlanýdan tek 0,32% kóleminde ǵana sý paıdalanady, bul ekojúıeniń jaǵdaıyn jaqsartýǵa da yqpal etedi.
Qorshaǵan ortany qorǵaý: AES parnık gazdarynyń aýaǵa taralýyn aıtarlyqtaı azaıtady: kómir stansıalarymen salystyrǵanda 135 ese, gaz stansıalarymen salystyrǵanda 73 ese tómen. Qazaqstan Parıj kelisiminiń talaptaryna sáıkes, 2030 jylǵa qaraı kómirmen jumys isteıtin jylý elektr ortalyqtaryn SO2 shyǵarmaıtyn atom stansıalarymen almastyra otyryp, parnık gazdar qaldyǵyn 15%-ǵa azaıtýdy josparlap otyr.
Halyqtyń qaýipsizdigi: Qazirgi zamanǵy III jáne III+ býyndy reaktorlar ishki jáne syrtqy qaýipterden qorǵaýǵa arnalǵan belsendi jáne pasıvti qaýipsizdik júıelerimen jabdyqtalǵan. Bul stansıalar erekshe tózimdi konstrýksıalarǵa ıe, olardyń qorǵanys kúmbezi tabıǵı apattarǵa, sonyń ishinde 8 balǵa deıingi jer silkinisterine tótep bere alady.
Halyqaralyq áriptestik jáne standarttar: Qazaqstanda AES salý jáne paıdalaný jobasy MAGATE ázirlegen halyqaralyq standarttarǵa sáıkes júzege asyrylady, bul qaýipsizdiktiń joǵary deńgeıin qamtamasyz etedi. Álemniń 31-den astam elinde AES salynyp, jumys istep jatqany mundaı nysandardyń joǵary suranysqa ıe ekenin jáne qaýipsiz ekendigin naqtylaı túsedi.
AES — dástúrli energetıkalyq sheshimderge qarsy ekologıalyq jáne ornyqty balama. Ol sý resýrstaryna qysymdy tómendetedi jáne parnık gazdardyń bólinýin azaıtýǵa kómektesedi.