Atom elektr stansıasy álemniń 32 elinde bar. Olarda 400-den astam ıadrolyq reaktor jumys istep tursa, 60-sy jańadan salynyp jatyr.
Al álemdegi eń qýatty atom elektr stansıalary Japonıa, Ońtústik Koreıa, Fransıa syndy birqatar elde ornalasqan.
Olardyń eń qýattysy - Japonıanyń «Kasıvadzakı-Karıva» stansıasy. Ol 8 myń 200 megavatt qýat óndiredi. Bul - ondaǵy jeti ıadrolyq reaktordyń jıyntyq energıasy.
2-shi orynda Ońtústik Koreıalyq «Hanýl» AES-y tur. Onyń qýaty 7 600 MVt-tan asady.
Kanadanyń Ontarıo qalasynda ornalasqan «Brús» atom elektr stansıasy
3-orynda. 8 qysymdy aýyr sý reaktorynan 6800-ge jýyq MVt energıa shyǵady.
4-shi oryndaǵy Qytaıdyń «Ianszán» stansıasy Ońtústik Qytaı teńizi jaǵalaýynda ornalasqan. Onyń elektr qýaty 6500 MVt-tan asady.
5-shi orynda – Ońtústik koreıalyq «Hanbıt» atom elektr stansıasy. Taza qýaty - 5924 MVt.
6-orynda 5700 megavattyq ýkraınalyq «Zaporoje» AES-y.
7-shi, 8-shi jáne 9-shy oryndar Fransıaǵa tıesili. Munda «Gravelın», «Palúel» jáne «Kattenom» atty úsh iri ıadrolyq nysan bar.
Ońtústik koreıalyq «Korı» atom elektr stansıasy onynshy orynda tur.