Almatyda 9-13 qyrkúıek aralyǵynda kóshelerdi, ınfraqurylymdy, aýlalardy, ózen men sý aıdyndaryn tazalaý boıynsha aýqymdy jumys júrgiziledi.
Almatyda qala kúni qarsańynda 9-13 qyrkúıek aralyǵynda «Almaty – bizdiń ortaq úıimiz» qalalyq naýqany jáne «Taza Qazaqstan» respýblıkalyq baǵdarlamasy aıasynda kóshelerdi, qala ınfraqurylymyn, aýla aýmaqtaryn, balalar alańdaryn, sýburqaqtardy, ózender men sý aıdyndary jaǵalaýyn, saıabaqtar, skverler men taý baýraıyn tazalaý boıynsha aýqymdy jumys júrgiziledi, dep habarlaıdy aqshamnews.kz
Bir apta boıy 25,1 mln m² aýmaqty alyp jatqan 2 318 kósheni, uzyndyǵy 2 777 km bolatyn joldardy tazartý jumystary qarqyndy júrgiziledi. Aıta keteıik, kún saıyn qala kóshelerinen 150 tonnadan astam qoqys shyǵarylady. Magıstraldyq kósheler kúnine eki ret, al aýdandyq mańyzy bar kósheler kúndelikti tazartylady. Komýnaldyq qyzmet 56 jerasty jáne 78 jerústi jaıaý júrginshiler ótkelin, 1 765 aıaldama pavılonye, 480 baǵdarsham nysanyn, jaryqtandyrý quraldaryn, kórsetkishterdi, týrısik totemderdi, qoǵamdyq dárethanalardy tazalaıdy. Sonymen qatar, 1 454 konteınerlik alańdar sanıtarlyq tazartylyp, jýylyp, zalalsyzdandyrylady, 24 747 kóshe jáne aýlalaǵy qoqys jáshikteri tazartylady.
Qoqystan tazartý jumystary aýlalarda, balalar jáne sport alańdarynda da júrgiziledi. Qaladaǵy sýburqaqtardy, sonyń ishinde jaıaý júrginshiler sýburqaqtaryn tazalaý, jýý jáne qaıta jóndeý jumystary jalǵasady. Almatyda komýnaldyq menshik ıeliginde 66 sýburqaq bar, onyń 6-ýy sýburqaǵy jóndelip jatyr jáne 13 zamanaýı jaıaý júrginshiler surbaǵy bar.
250 sharshy shaqyrymdy quraıtyn ózender men sý qoımalarynyń jaǵalaýy, saıabaqtar, skverler men taý bókterleri de retke keltiriledi. Apattyq jaǵdaıdaǵy aǵashtardyń butaqtaryn sanıtarlyq maqsatta kesý men kesip alyp tastaý jumystary jalǵasady.
Almaty qalasy kúni jyldaǵydaı qyrkúıek aıynyń úshinshi jeksenbisinde atap ótiledi.
