Sholpan-Atada (Qyrǵyzstan) Túrki memleketteri uıymyna múshe memleketterdiń İshki ister mınıstrleriniń birinshi keńesi ótti.
İs-sharaǵa Ázerbaıjan, Qazaqstan, Qyrǵyzstan, Túrkıa jáne Ózbekstan İshki ister mınıstrlikteriniń ókilderi qatysty. Qazaqstandyq delegasıany İshki ister mınıstri Erjan Sadenov basqardy, dep habarlaıdy aqshamnews.kz İshki ister mınıstrligine silteme jasap.
Jıyn aldynda Qyrǵyz Respýblıkasynyń Prezıdenti Sadyr Japarov delegasıa basshylarymen kezdesip, qazirgi zamanǵy syn-qaterlerge tıimdi qarsy turý úshin quqyq qorǵaý organdarynyń yntymaqtastyǵyn nyǵaıtýdyń mańyzyn atap ótti.
Otyrysta uıymǵa múshe memleketterdiń İshki ister mınıstrlikteriniń birlesken jumysynyń negizgi máseleleri talqylandy. Qylmyskerlerdi izdeý, ekstremızmge, esirtki qylmysyna, zańsyz kóshi-qon men kıberqylmysqa qarsy kúres sıaqty negizgi baǵyttar boıynsha yntymaqtastyqtyń tıimdiligin arttyrýǵa erekshe nazar aýdaryldy.
Jıyn sońynda birlesken Deklarasıaǵa qol qoıyldy.
Kezdesýde syndarly dıalog qurylyp, mańyzdy sheshimder qabyldandy.
Sondaı-aq is-shara aıasynda Qazaqstan İshki ister mınıstriniń Ázerbaıjan jáne Túrkıa Respýblıkasy İİM basshylarymen ekijaqty kezdesýleri ótti, onda vedomstvoaralyq ózara is-qımyldyń perspektıvalary aıqyndaldy.