Atbasar qalasynyń 29 jastaǵy turǵynynyń úıinen krıptovalúta jasaıtyn jabdyqtar tabyldy, dep habarlaıdy Almaty-akshamy.kz.
Aqmola oblystyq polısıa departamenti baspasóz qyzmetiniń málimetinshe, bıylǵy jylǵy sáýirdiń 24-inde Atbasar aýdandyq polısıa bóliminiń polısıa qyzmetkerleri Atbasar qalasynyń 29 jastaǵy turǵynynyń úıinen krıptovalúta jasaıtyn jabdyqtardy tapty. Onyń ishinde 2 dana jumys istep turǵan aıtmaıner arnaıy jabdyǵy, sondaı-aq, aıtmaınerge qajetti 9 dana jabdyq jáne ózge de qosalqy tehnıkalar bar.
«Tabylǵan jabdyqtardyń ıesi baǵdarlamashy – 29 jastaǵy jergilikti turǵyn. Er adamnyń úıinde krıptovalúta jasap kele jatqandyǵyna 3 aı bolǵan. Qazirgi kezde osyǵan baılanysty is materıaldary memlekettik kirister basqarmasyna ákimshilik hattama toltyrý úshin joldandy», - dedi vedomstvodan.
Aıta ketsek, qyzmettiń osy túri (maınıng) boıynsha 2022 jyldan bastap Qazaqstan Respýblıkasynda tólemaqy (sıfrlyq maınıng úshin tólemaqy) alynady.