Sotqa deıingi tergeý amaldary júrgizilýde.
«Aıshýaq-Jantúgel» UQT-nyń múshelerin ustaý boıynsha arnaıy operasıa ótti, dep habarlaıdy Almaty-akshamy.kz Polisia.kz-ke silteme jasap.
26 naýryzda Qazaqstan Respýblıkasy İshki ister mınıstrligi UQK jáne BP-men birlesip, sondaı-aq, arnaıy jasaq bólimshesiniń qatysýymen Almaty qalasynda jáne Almaty oblysynda arnaıy operasıa barysynda buryn birneshe ret qylmystyq jaýapkershilikke tartylǵan «Aıshýaq-Jantúgel» uıymdasqan qylmystyq tobynyń múshelerin ustady.
Júrgizilgen arnaıy operasıanyń nátıjeleri boıynsha ustalǵandardan eki «Kalashnıkov» avtomaty, bes ańshylyq kelte myltyq, eki jaýyngerlik tapansha, «Kalashnıkov» pnevmatıkalyq avtomaty, «F-1» qorǵanys qol granatasy, oq ótpeıtin eki keýdeshe, ańshylyq pyshaq, túrli kalıbrli 350-den astam oq-dári, sondaı-aq, 5700 AQSH dollary jáne 107 myń teńge somasyndaǵy aqshalaı qarajat tárkilendi.
Qazirgi ýaqytta ustalǵan adamdardyń ózge de aýyr jáne asa aýyr qylmystarǵa, onyń ishinde qańtar aıynyń basynda oryn alǵan jappaı tártipsizdik kezinde jasalǵan qylmystarǵa qatystylyǵy tekserilýde.
Uıymdasqan qylmystyq toptyń basqa da qatysýshylaryn anyqtaý jáne ustaý boıynsha jumys jalǵasýda. Ustalǵan adamdarǵa qatysty «qamaýda ustaý» bultartpaý sharasy tańdaldy.