Elimizdiń birqatar óńirinde jańbyr men qar jaýady.
«Qazgıdromet» sınoptıkteri 29 naýryz, seısenbi kúni, aýa raıy qandaı bolatynyn boljady, dep habarlaıdy Almaty-akshamy.kz
Qazaqstannyń basym bóligine soltústik-batys sıklon jáne onymen baılanysty atmosferalyq fronttar áser etedi. Osyǵan baılanysty jańbyr men qar jaýady.
Soltústikte, soltústik-batysta, ortalyqta, ońtústikte, ońtústik-shyǵysta qatty jelmen birge qatty jaýyn-shashyn jaýady. Qazaqstan boıynsha tuman, kóktaıǵaq, soltústik jartysynda burqasyn soǵady.
Aqmola oblysynyń soltústik- batysynda, ońtústiginde kóktaıǵaq bolady. Túnde ońtústik-batystan soqqan jel 15-20 m/s, kúndiz 15-20, batysta, ońtústik-batysta ekpini 23-28 m/s, oblystyń soltústiginde, shyǵysynda 30 m/s jáne odan asady. Kúndiz óńirdiń batysynda, ońtústiginde burqasyn kóteriledi.
Túrkistan oblysynyń soltústiginde, batysynda jáne taýly aýdandarynda jel 17-22 m/s, oblystyń soltústiginde jáne taýly aýdandarynda ekpini 23-28 m/s, taýly asýlarda 30 m/s asady. Tańerteń jáne kúndiz taýly aýdandarda naızaǵaı jarqyldaıdy.
Jambyl blysynyń ońtústiginde, soltústik-shyǵysynda jáne taýly aýdandarda tuman túsedi, oblystyń ońtústik-batysynda, soltústik-shyǵysynda, taýly aýdandarda jeldiń ekpini 15-20, kúndiz 23-28 m/s deıin jetedi. Oblystyń shyǵysy men ortalyǵynda jeldiń kúshi 30 m/s asady.
Shyǵys Qazaqstan oblysynyń soltústiginde, batysynda tuman, joldarda kóktaıǵaq bolady. Oblystyń ońtústik-batysynda jel 15-20 m/s kúsheıedi.
Túnde Qaraǵandy oblysynyń batysynda, kúndiz batysynda, soltústiginde, ortalyǵynda jaıaý burqasyn, kóktaıǵaq kútiledi, túnde jeldiń ekpini oblystyń batysynda 15-20 m/s, kúndiz batysta 15-20 m/s, ońtústik-shyǵysta 23-28 m/s kúsheıedi.
Pavlodar oblysynyń soltústiginde, shyǵysynda tuman, kóktaıǵaq, kúndiz oblystyń batysynda, ońtústiginde jel 15-20 m/s deıin kúsheıedi.
Soltústik Qazaqstan oblysynyń ońtústik-batysynda, batysynda, soltústiginde tómen burqasyn, kóktaıǵaq kútiledi, oblystyń ońtústiginde tuman túsedi, túnde oblystyń ońtústik-batysynda, batysynda 15-20 m/s jel kúsheıedi, kúndiz jeldiń ekpini oblystyń basym bóliginde 15-20 m/s, oblystyń ońtústik-batysynda, batysynda 23-28 m/s bolady.
Qostanaı oblysynyń batysynda, soltústiginde jaıaý burqasyn kútiledi, oblystyń batysynda, ońtústiginde tuman, kóktaıǵaq, jeldiń ekpini túnde batysta, soltústiginde 15-20 m/s deıin kúsheıedi, kúndiz 15-20m/s, 23-28 m/s jetedi, keı kezde 30 m/s jáne odan artyq jel ekpini kútiledi.
Aqtóbe oblysynyń ońtústiginde, shyǵysynda túnde kóktaıǵaq bolady, jel oblystyń ońtústiginde túnde 15-20 m/s deıin kúsheıedi, kúndiz 15-20, oblystyń batysynda, soltústiginde 23-28 m/s deıin kútiledi.
Mańǵystaý oblysynyń batysynda, soltústiginde, ortalyǵynda jeldiń qarqyny 15-20 m/s bolady. Kúndiz oblys ortalyǵynda shańdy daýyl turady.
Atyraý oblysynda jeldiń ekpini 23-28 m/s deıin kúsheıedi.
Batys Qazaqstan oblysynyń soltústiginde tuman, túnde ońtústik-batysta jel kúsheıedi, kúndiz oblystyń basym bóliginde ekpini 15-20 m/s deıin jetedi. Túnde soltústik-shyǵysta kóktaıǵaq, burqasyn bolady.
Kúndiz Almaty oblysynyń batysy men shyǵysynda jeldiń jyldamdyǵy 18-23 m/s jetedi.