Astana mýzeıi Nazarbaevtyń balaýyz músinin nege alyp tastady?
Mýzeı málimetinshe, kórme zalynda reekspozısıa boıynsha jumystar júrgizilgen, dep habarlaıdy Almaty-akshamy.kz
Astanadaǵy Qazaqstan Qarýly kúshteriniń Memlekettik áskerı-tarıhı mýzeıi tuńǵysh prezıdent Nursultan Nazarbaevtyń alty jyl buryn ornatylǵan balaýyz músinin nege alyp tastalǵanyn túsindirdi.
Mýzeı málimetinshe, kórme zalynda Saǵadat Nurmaǵambetovtyń týǵanyna 100 jyl tolýyna baılanysty reekspozısıa (ekspozısıany ózgertý jáne jańartý – esk.) boıynsha jumystar júrgizilgen.
"2024 jyly Qazaqstannyń tuńǵysh qorǵanys mınıstri, Keńes Odaǵynyń batyry, Halyq qaharmany, armıa generaly Saǵadat Nurmaǵambetovtyń týǵanyna 100 jyl tolýyna oraı "Qazaqstan Respýblıkasynyń Qarýly Kúshteri" kórme zalynda Saǵadat Qojahmetulynyń ómiri men áskerı qyzmetin tolyq qamtý maqsatynda reekspozısıa ótkizildi", - delingen mýzeıdiń málimetinde.
Mýzeıdegi kórme zaldaryn jóndeý álemdik tájirıbe dep ataldy.
Eske salaıyq, jaqynda Astanadaǵy mýzeıden Nazarbaevtyń balaýyz músininiń alyp tastalǵany belgili boldy. Ol 2018 jyly qoıylǵan.