Almatyda 30 jas qyzmetker leıtenant shenin aldy.
Saltanatty tabystaý rásimi Qazaqstan Respýblıkasy Memlekettik Ortalyq murajaıynyń alańynda ótti, dep habarlaıdy Almaty-akshamy.kz Polisia.kz-ke silteme jasap.
«Búgingi kún – árqaısyńyz úshin ómir boıy este qalatyn mańyzdy oqıǵa. Sizder alǵashqy ofıserlik shendi alasyzdar. Menen bastap, osy sharaǵa qatysqan árbir qyzmetker de qyzmet basyndaǵy osy sátti esterine alady. Azamattardyń quqyqtary men bostandyqtaryn qorǵap, qoǵamnyń senimin aqtaıtyn da sizder! Árbir azamat, onyń ishinde jaqyndaryńyz ózin tolyq qaýipsiz sezinýi úshin ishki ister organdarynyń bedelin arttyrýǵa jáne qaladaǵy qaýipsizdikti qamtamasyz etýge árqaısyńyz óz úlesińizdi qosýyńyz kerek. Bir qyzyǵy, shenderdi tapsyrý rásimi mańyzdy tarıhı qujattar men kórmeler saqtalǵan elimizdiń Memlekettik Ortalyq murajaıynda ótip jatyr. Sizder tarıhta qalýlaryńyz qajet. Sizderge, qurmetti áriptester, tabysty qyzmet tileımin. Otbasylaryńyzda qut-bereke bolsyn», – dedi Almaty qalalyq polısıa departamentiniń bastyǵy Arystanǵanı Zapparov.