Áýezov aýdanyndaǵy №129 bóbekjaı-balabaqshasynda ata-analarǵa arnalǵan «Jaqsy bizdiń baqshamyz» atty ashyq esik kúni ótti.
Bul sharany únemi ótkizýge tyrysamyz, óıtkeni bul ata-analar men balabaqsha arasyndaǵy altyn kópir ispetti. Dástúrge aınalǵan «Ashyq esik» barysynda ata-analar balabaqsha ómirimen jaqynyraq tanysyp, tárbıe men uıymdastyrylǵan is-sharalarǵa qatysýǵa, tipti balabaqsha qyzmetkerleriniń rólderine enip, balalardyń tamaqtaryna degýstasıa jasaýǵa múmkindik aldy. Sonymen qatar, bul kúni ata-analar balabaqsha meńgerýshisimen, ádiskermen, pedagog-psıhologpen, logopedpen, medbıkemen jáne tárbıeshilermen erkin sóılesip, túrli keńester aldy.
«Ashyq esikke» qatysqan ata-analar balabaqshanyń ishki tártip erejeleri men sanıtarlyq talaptaryn qatań saqtaı otyryp, onyń kúndelikti jumys tártibin qaıtalady. Mysaly, «Aqqý» tobynyń ata-anasy Jazıra Abyhanova, «Baldáýren» tobynyń ata-anasy Nurıla Chokenova men Quralaı Nurym tárbıeshi retinde balalarǵa tańǵy as berýdi uıymdastyrdy. «Qulynshaq» tobynyń ata-analary Roza Iýsýpova, Dılára Ahatova, Alına Kerımova, Anastasıa Kýznesova, «Aqbulaq» tobynyń ata-anasy Aqmaral Maken túske deıingi is-sharalarǵa belsene qatysty. «Aqqý» tobynyń ata-anasy Begaıym Temirbekova, «Kúnshýaq» tobynyń ata-anasy Shapaǵat Eleýsizova men Jannat Teleýbaeva tárbıeshi rólinde jumys istese, Ánýar Qalqadamov mýzyka jetekshisiniń mindetin atqardy. «Aqbulaq» tobynyń ata-anasy Gúldana Kúlshanova balabaqsha aspazdarynyń dámdi taǵamdaryn synap, óz baǵasyn berdi.
«Botaqan» tobynyń ata-anasy Janar Kochenova tańerteńnen túske deıingi barlyq is-sharalarǵa belsene qatysyp, balabaqshanyń kún tártibimen tanysty.
Osy kúni ata-analar tárbıeshilerdiń sheberligin, balalarmen ótkizilgen túrli is-sharalardy baqylap, óz baǵalaryn berdi. Balabaqsha qyzmetkerleriniń qıyn da qyzyqty eńbegin joǵary baǵalap, shynaıy rızashylyqtaryn bildirdi.