Sý resýrstary jáne ırrıgasıa mınıstrliginiń «Qazsýshar» kásiporynynda 67 sýshylar áýleti jumys isteıdi.
Olardyń basym bóligi - 25 áýlet Q.Sátpaev atyndaǵy kanalda eńbek etedi. Jambyl oblystyq fılıalda - 19, Túrkistan oblystyq fılıalda - 8, Jetisý oblysynda - 6, Qyzylordada - 3 jáne Aqtóbe oblysynda - 2 sýshylar áýleti bar. Batys Qazaqstan, Aqmola, Soltústik Qazaqstan jáne Shyǵys Qazaqstan oblystarynda sýshylardyń 1 áýletinen bar, dep habarlaıdy aqshamnews.kz sala mınıstrligine silteme jasap.
Eń kóp sýshy shyqqan áýlet - Shamshıevter áýleti. Aqmola oblystyq fılıalda bir otbasydan 7 maman jumys istegen. Búginde atalary bastaǵan qyzmetti nemereleri jalǵastyryp keledi.
Kóktemgi sý tasqyny kezinde kózge túsip, Memleket basshysynan marapat alǵan Shyńǵystaý Ábdıev te sýshylar áýletiniń negizin salýshy. Búginde onyń inisi men kelini, balasy Aqtóbe oblysy boıynsha «Qazsýshar» fılıalynyń ýchaskelerinde jumys isteıdi.
«Biz elimizdiń sý sharýashylyǵynda qyzmet etip júrgen áýletterdi maqtan tutamyz jáne olardyń eńbegin joǵary baǵalaımyz. Bul otbasylar óz isine adaldyǵymen jastarǵa úlgi bolyp, kásibı daǵdylarmen qatar, elimizdiń sý resýrstaryna degen úlken jaýapkershilikti jetkizýde. Ákeden balaǵa, atadan nemeresine jalǵasyp kele jatqan urpaqtar sabaqtastyǵy bilim men tájirıbe almasý úshin de óte mańyzdy bolyp tabylady»,- dedi Sý resýrstary jáne ırrıgasıa mınıstri Nurjan Nurjigitov.