Astana qalasynyń aýdanaralyq sotyna Qazaqstannyń ár óńirinen 11 ata-ana Oqý-aǵartý mınıstrligine talap-aryzdy usyndy.
Bul týraly ata-analardyń múddesin qorǵaıtyn belgili advokat Jangeldi Súleımanov málimdep, qazaqstandyq ata-analardyń nege qol jetkizgisi keletinin advokat aıtty, - dep habarlaıdy Almaty-akshamy.kz.
Qazaqstandyq oqýshylar byltyrǵy oqý jyly ádettegideı 25 mamyrda emes, 31-de aıaqtady. Mektep mundaı jańashyldyqqa daıyn bolmaǵandyqtan, bul ózgeris kóptegen ata-ananyń narazylyǵyn týdyrdy. 1 qyrkúıek qarsańynda sońǵy qońyraý burynǵy kúnge qaıtaryldy dep jarıalandy. Alaıda, Súleımanovtyń aıtýynsha, másele áli sheshilmegen.
2022 jyly eks-mınıstr Asqat Aımaǵambetov "memlekettik jalpyǵa mindetti bilim berý standarttaryn bekitý týraly" buıryqqa qol qoıdy. Qujat boıynsha oqý jyly burynǵydaı 34 aptadan 36 aptaǵa deıin ulǵaıdy. Bizdiń suraıtynymyz óte qarapaıym nárse - oqý jylyn uzartýdy joıý", - dep túsindirdi advokat
Jangeldi Súleımanovtyń aıtýynsha, sotqa júgingen ata-analar bilim berý salasyndaǵy júıeli buzýshylyqtar týraly 50 betten turatyn ulttyq baıandama jasap, Prezıdent ákimshiligine joldaǵan. Olar qujatta bilim sapasynyń tómendigi, mekteptiń tolyp ketýi, jýynatyn bólmelerdiń bolmaýy sıaqty 29 júıeli buzýshylyqtardy kórsetken. Dál osyndaı buzýshylyqtar Oqý-aǵartý mınıstrligine qatysty sot isinde kórsetilgen.
"Biz osy buzýshylyqtardy joımaıynsha, oqý merzimin uzartýdyń qajeti joq deımiz. Siz kerekti nársemen aınalyspaısyz. Sapany jaqsartsańyz balalardyń ózderi mektepke barýǵa qýanyshty bolady", - dedi zańger.
Eske salaıyq, bıyl sońǵy qońyraý alǵash ret 1 maýsymda soǵyldy. Oqý jyly 1 qyrkúıekte bastalyp, 31 mamyrda aıaqtalyp, barlyǵy 36 aptaǵa sozyldy.
Sonymen birge, 31 mamyr oqý kúni boldy. 25 mamyrdan keıin kóptegen oqýshy oqýlyqty tapsyryp, mektepte sabaqtyń ornyna synyptan tys is-sharalar ótkizilip jatyr degen habarlamalar paıda boldy.
Jaqynda Qazaqstanda sońǵy qońyraý 25 mamyrǵa qaıtarylatyny belgili boldy. Premer-mınıstrdiń orynbasary Tamara Dúısenova oqý jylyn uzartý týraly sheshimdi durys, biraq asyǵys dep atady.