Bul joly esirtki qylmysymen kúresýshilerdiń nazaryna 29 jastaǵy Almaty turǵyny tústi.
Onyń qylmystyq áreketi jedel jáne arnaıy is-sharalar nátıjeleri barysynda rastaldy.
«QR QK-niń 296-baby 2-bóligi boıynsha qylmys jasady degen kúdikpen 29 jastaǵy J.esimdi azamat ustaldy. Onyń kóligin ruqsat etilgen tintý kezinde jol sómkesinen aq untaq zaty bar 12 tússiz baılam tabyldy jáne tárkilendi. J.esimdi azamat tárkilengen zattyń mefedron esirtki zaty ekenin aıtty. Er adam esirtkini jasyryn qoıyp ketýmen aınalysatynyn moıyndady», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.