Joba boıynsha sharttyq mindettemeler oryndalmaýyna baılanysty merdigerlik uıymmen shart buzylǵan bolatyn.
Bul týraly «QazAvtoJol» ulttyq kompanıasynyń resmı ókili Lázzat Stamǵazıeva aıtty, dep habarlaıdy Almaty-akshamy.kz QazAqparatqa silteme jasap.
Onyń aıtýynsha, jaqynda «Asyl Arman» turǵyn úı kesheninen shyǵa beristegi ekinshi jol ótpesiniń qurylysy jalǵasady. Búgingi kúni jumys 45 paıyzǵa oryndaldy.
«Qazir qurylys jumystaryn jalǵastyratyn jańa merdiger kompanıa anyqtaldy. Buǵan deıin joba boıynsha sharttyq mindettemelerdiń oryndalmaýyna baılanysty merdigerlik uıymmen shart buzylǵan bolatyn», - dedi «QazAvtoJol» UK» AQ baspasóz hatshysy Lázzat Stamǵazıeva.
Eske salaıyq, aqpan aıynda Almaty-Bishkek baǵyty boıynda ornalasqan «Asyl Arman» turǵyn úı kesheniniń turǵyndary qalaǵa shyqqanda jáne keri qaıtqanda tek aınalma joldarmen qatynaýǵa májbúr ekeni aıtylǵan bolatyn.
Osy máseleni sheshý úshin «Almaty-Bishkek» avtojolynda «qubyr» úlgisindegi jolaıryq (18+700 shaqyrym) jáne Raıymbek aýylyna burylystaǵy qosymsha jaıaý júrginshiler kópirin (19+860 shaqyrym) salý úshin jeke joba («Altyn-Orda» jobasyna kirmeıtin) ázirlendi. Jolaıryqtyń jalpy uzyndyǵy - 264 metr. «QazAvtoJol» ulttyq kompanıasynyń ókili Lázzat Stamǵazıevanyń sózinshe, qurylys jumystary 2023 jyly aıaqtalady.