Tenderlerde jeńemin dep almatylyqtardy 300 mln teńgege aldap ketken áıel qolǵa tústi.
Áýezov aýdanynyń polıseıleri alaıaqtyq jasaǵany úshin 37 jastaǵy S. esimdi azamatshany ustady, dep habarlaıdy Almaty-akshamy.kz Polisia.kz-ke silteme jasap.
"Qylmystyq is materıaldaryna sáıkes, kúdikti “jaqsy tanystaryna” silteme jasaı otyryp, azamattarǵa tenderlerge qatysýǵa jáne jeńiske jetýge ýáde bergen. Qazirgi ýaqytta bizdiń bólimshede S. esimdi azamatshanyń qatysy bar bes qylmystyq is tergelýde. Jábirlenýshilerge keltirilgen materıaldyq shyǵyn kólemi 300 mıllıon teńgeni quraıdy. Kúdikti qazir qamaýda otyr. Sotqa deıingi tergeý jalǵasýda. Áıeldiń basqa da epızodtarǵa qatysy bar-joǵy anyqtalýda", – dedi Áýezov aýdandyq PB bastyǵy Ulan Ábilqaıyr.