Astanadaǵy meshitterdiń birine pyshaqpen qarýlanǵan er adam basyp kirip, talaptar qoıǵan, dep habarlaıdy aqshamnews.kz
Oqıǵa búgin tańerteń bolǵan. Kýágerlerdiń aıtýynsha, er adam meshitke basa kóktep kirip, keıbir adamdardy túrmeden bosatýdy talap etken. Keıin bul jerge polısıa keldi.
36 jastaǵy kúdikti tez arada ustalyp, polısıa bólimine jetkizildi.
«Tekserý barysynda ustalǵan adamnyń 2006 jyldan bastap psıhonevrologıalyq dıspanserde esepte turǵany anyqtaldy. Osy fakti boıynsha qylmystyq is qozǵaldy. Qazirgi ýaqytta bolǵan oqıǵanyń barlyq mán-jaı boıynsha jan-jaqty tekserý júrgizilýde», - dep habarlady Astana polısıa departamenti.