Referendýmda daýys sany 50 paıyzdan artyq bolsa, onda halyqtyń basym kópshiligi AES qurylysyn qoldaıdy degen sóz. Mundaı pikirdi Prezıdent Joldaýynan keıin Májilis depýtaty Erlan Saırov bildirdi.
«Bizde – demokratıa. Sondyqtan bir jyldyń ishinde jan-jaqty talqylandy. Demokratıa bolǵandyqtan, jaqtaýshylar da, qarsylyq tanytýshylar da bolady. Menińshe, AES Qazaqstanǵa qajet. Óıtkeni, ekonomıka damyp kele jatyr. Ekonomıka damyǵanmen oǵan jetkilikti energıa kózderi joq. Elektr energıasyn Reseıden ımporttap otyrmyz. Munyń ústine ımport qymbatqa túsedi. Al azamattardyń daýysynyń estilgeni ne estilmegeni aldaǵy 6 qazanda belgili bolady. Eger referendýmda daýys sany 50 paıyzdan artyq bolsa, onda halyqtyń basym kópshiligi AES qurylysyn qoldaıdy degen sóz», - dedi Erlan Saırov.