8 tamyzda Astana qalasynda oryn alǵan qatty burshaq saldarynan avtokólik ıelerine keltirilgen jalpy materıaldyq shyǵyn 4,5 mıllıard teńgeden asyp ketýi múmkin. «Evrazıa» saqtandyrý kompanıasynyń mamandary osyndaı esep júrgizdi. Sonymen qatar, zardap shekken avtokólikter sany da 8 myńǵa jetti, dep habarlaıdy aqshamnews.kz.
Jańartylǵan málimetterge sáıkes, burshaqtan zardap shekken kólikterdiń sany bastapqyda 5 myń bolsa, keıinnen 8 myńǵa jetken. Onyń ishinde, tek 10% nemese 800 kólik KASKO erikti avtosaqtandyrýymen saqtandyrylǵan. Demek, bul kompanıa burshaq saldarynan kelgen shyǵyndardy da óteıdi.
«Ótken aptanyń basynda KASKO sharttary boıynsha saqtandyrylǵan avtokólik ıeleriniń ótinishteri kúrt ósti. Kólikti nesıege satyp alǵan kóptegen júrgizýshiler ózderiniń saqtandyrýlary burshaqtan kelgen shyǵyndardy óteıtinin bilmegen», – dep túsindirdi «Evrazıa» saqtandyrý kompanıasynyń baspasóz qyzmeti.
Saqtandyrylǵan kólikterge keltirilgen ortasha shyǵyn shamamen 1 mıllıon teńgeni quraıdy.