Almatyda iri kólemdegi tólenbegen aıyppuldary bar boryshker-júrgizýshiler ustaldy

Almaty polısıasy jalǵan memlekettik nómirlerdi paıdalanatyn, kólikterine arnaıy sıgnal berý quraldaryn ornatatyn, kólikti mas kúıinde basqaratyn jáne tólenbegen aıyppuldary bar qaýipti júrgizýshilerdi anyqtaý jáne jaýapkershilikke tartý boıynsha maqsatty jumysty jalǵastyrýda.
Salynǵan ákimshilik aıyppuldar boıynsha bereshegi bar boryshkerlerdi avtomatty túrde anyqtaıtyn avtomattandyrylǵan aqparattyq júıelerdiń múmkindikteri keńinen qoldanylýda,  dep habarlaıdy aqshamnews.kz
Aǵymdaǵy jyldyń basynan beri jergilikti polısıa qyzmetiniń izdestirý bólimsheleri patrúldik polısıa Polki men mamandandyrylǵan batalón qyzmetkerleriniń kómegimen 200-ge jýyq kólik toqtatylyp, mamandandyrylǵan aıyppul turaǵyna ornalastyryldy. Bul kólikterdiń júrgizýshileriniń jol qozǵalysy erejelerin buzǵany úshin jalpy sommasy 125 mıllıon 940 myń teńge kóleminde aıyppuldary bar.
Almaty polısıasy, taǵy da, «qylmysqa tózbeýshilik» qaǵıdattaryn, quqyqbuzýshylyq úshin jazanyń bultartpastyǵyn, ákimshilik aıyppuldardy der kezinde tóleý qajettigin eske salyp, jol qozǵalysy erejelerin qatań saqtaýǵa shaqyrdy.