Astana qalasy Esil aýdany ákiminiń orynbasary Dármenıar Qydyrbekuly Geıdar Álıev kóshesiniń boıyna Ázirbaıjan Prezıdenti kelgen kezde egilgen shyrshanyń nege qaıta qazylǵanyn túsindirdi, dep habarlaıdy QazAqparat tilshisi.
Ákimdik ókiliniń aıtýynsha, shyrsha kóshetteriniń qaıta qazylǵany ras. Biraq ol shyrshalardyń ornyna basqa aǵash egilgen. Mundaı keńesti olarǵa agronomdar berse kerek.
«Ázirbaıjan Respýblıkasy Prezıdentiniń resmı sapary aıasynda Geıdar Álıev kóshesi saltanatty túrde ashylǵan bolatyn. Buqar jyraý kóshesiniń Geıdar Álıev kóshesimen qıylysqan tusynda bes shyrsha otyrǵyzyldy. Keıin agronomdar bizge bul shyrshalardy qylqan japyraqty aǵashtardyń ósýine áldeqaıda qolaıly orynǵa – Botanıkalyq baqtaǵy Ázirbaıjan Prezıdenti óz qolymen ekken aǵashtan 100 metr jerge aýystyryldy. Al olardyń ornyna jóke men arsha egildi. Óıtkeni jóke magıstraldik joldyń boıynda jaqsy ósedi jáne estetıkalyq kóriniske sán qosady», - dedi Dármenıar Qydyrbekuly.