Sot júıesiniń damýyna eleýli úles qosqan Qazaqstan azamattaryn marapattaýǵa arnalǵan jańa nagrada bekitilmek, dep habarlaıdy almaty-akshamy.kz
«QR Prezıdentine tikeleı baǵynatyn jáne esep beretin keıbir memlekettik organdardyń, QR Konstıtýsıalyq sotynyń, quqyq qorǵaý organdarynyń, sottardyń, Qarýly Kúshterdiń, basqa da áskerler men áskerı qurylymdardyń vedimistik jáne olarǵa teńestirilgen ózge de nagradalarynyń tizbesinde:
«Medaldar»: degen kishi bólimde:
«1-tarmaq QR Joǵarǵy soty» degen bólimde mynadaı redaksıada jazylsyn:
«4) «Sot júıesiniń damýyna qosqan úlesi úshin», - delingen «Ashyq» NQA portalynda jarıalanǵan Prezıdent Jarlyǵynyń jobasynda.
Mádenıet jáne sport mınıstrligi bergen túsindirmede kórsetilgendeı, atalǵan nagrada sot júıesiniń damýyna úles qosqan el azamattaryn kótermeleý maqsatynda bektilmek.
«Jobanyń maqsaty – qyzmetkerlerdi, sýdıalardy, sot ardagerlerin, sondaı-aq sot júıesiniń damýyna úles qosqan, basqa da tulǵalardy yntalandyrý maqsatynda jańa vedimistik nagradany belgileý. Joba únemdelgen qarajat esebinen iske asyrylady», - dep túsindirme berilegen Jarlyq jobasyna.
Qujat 27 sáýirge deıin kópshilik talqylaýda bolady. Keıin Úkimet qaýlysymen Prezıdenttiń qaraýyna engiziledi.