Erteń, 16 mamyrda, Astanada EXPO halyqaralyq kórme ortalyǵynda otandyq óndirýshilerdiń jylsaıynǵy VIII «Ulttyq ónim» kórmesi bastalady, dep habarlaıdy aqshamnews.kz
İs-shara 18 mamyrǵa deıin jalǵasady. Qazaqstannyń barlyq óńirinen 350 óndirýshi óz ónimin usynady. Elorda turǵyndary men qonaqtary Qazaqstanda Úkimettiń qoldaýymen «Damý» qorynyń baǵdarlamalary arqyly óndirilgen taýarlardyń alýan túrimen tanysyp, satyp ala alady.
Kórmede tamaq, jeńil, hımıa ónerkásibinen bastap, mashına jasaý, jabdyq, zergerlik buıymǵa deıingi túrli ónim usynylady. Olardyń ishinde «Gormolzavod» tanymal brendi, «Aq Dam» ulttyq táttisi, Galamilk, Altay Outwear belsendi demalys pen týrızmge arnalǵan kıim men jabdyq, «Balausa Jewelry» zergerlik buıymy, «Qaınar AKB» JSHS akýmýlátorlyq batareıa óndirýshi, tolyqtaı qazaqstandyq brendpen ázirlenip, jınalǵan alǵashqy ırrıgasıalyq mashına óndirýshi «Su bereke», «Avrora» dezınfeksıalyq, kosmetıkalyq jáne jýǵysh zattardy ázirleý men óndirý kóshbasshysy, «Almaty Turmystyq Tehnika zavody» JSHS turmystyq tehnıka óndirý zaýyty jáne taǵy basqalar bar.
Sonymen qatar, «Ulttyq ónim» sheńberinde otandyq kásipkerlikti damytý máselesine arnalǵan paneldik sesıalar ótedi. Olarǵa jetekshi qazaqstandyq jáne halyqaralyq spıkerler qatysady. Qatysýshylar Qazaqstandaǵy bıznes úshin ózekti trendterdi, syn-qaterler men múmkindikterdi talqylaıdy.
Sondaı-aq, kórme barysynda «Halyq Tańdaýy» atty táýelsiz, dám tatý baıqaýy, qazaqstandyq jetekshi óndirýshilerdiń áıelder men erlerdiń kıimderiniń toptamasyn kórsetý, kásipkerlerdiń sheberlik synyby, kórmege qatysýshylar usynatyn kúnsaıynǵy utys oıyny men konserttik baǵdarlama uıymdastyrylady.
Aıta ketsek, kórmede kásipkerlerdi qoldaýdaǵy memlekettik saıasatty tabysty iske asyrýdyń az ǵana bóligi kórsetiledi. Tek 2024 jyly ǵana «Damý» qory arqyly memlekettiń qoldaýymen 1,7 trln teńge nesıemen 29,5 myń joba qamtylǵan eken. Ol úshin 590 mlrd teńge bólindi. Nátıjesinde 25,4 trln teńgege ónim shyǵarylyp, 1,7 trln teńge salyq tólengen. 9,7 myń jumys orny qurylǵan. Barlyǵy «Damý» qorynyń quraldary arqyly memlekettiń qoldaýyna 225,3 myń adam ıe boldy. Berilgen nesıeniń jalpy somasy 14,1 trln teńgelik jobalar. Osynyń arqasynda 220 myńnan astam jańa jumys orny qurylyp, 1,2 mln-nan astam jumys orny saqtaldy. Shamamen 130 trln teńgege ónim shyǵarylyp, 9,0 trln teńge salyq tústi.
«Ulttyq ónim» ótkizý otandyq taýarlar men qyzmetterdi tanymal etýge jáne ilgeriletýge yqpal etetin jaqsy dástúrge aınalyp otyr. Jyl saıyn kórmege qyzyǵýshylyq artýda. 2022 jyly kelýshiler sany 20 myńnan assa, 2023 jyly 22 myń. Satý kólemi de artyp, 2022 jyly 70 mln teńgeden 2023 jyly 74,1 mln teńgege jetti.
Kórmege kirý tegin. Tek sol kórmede nemese «Ulttyq ónim» saıtynda aldyn ala onlaın-formatta tirkelý qajet. Tirkelý úshin silteme
Elorda turǵyndary men qonaqtaryn «Ulttyq ónim» kórmesine qatysyp, otandyq óndirýshilerdi qoldaýǵa shaqyramyz!
Orny: EXPO halyqaralyq kórme ortalyǵy (Máńgilik El dańǵyly, 53/1)
Saltanatty ashylýy: 16 mamyr, saǵat 09:00-de.
Kórmeniń jumys ýaqyty: 2025 jylǵy 16-18 mamyr, saǵat 08:00-18:00.