Almaty qalasy Jetisý aýdanynyń polıseıleri eki urlyqtyń betin ashty, dep habarlaıdy Almaty-akshamy.kz.
«Qylmystyń biri Jumabaev kóshesinde ornalasqan kólik jýý ornynda jasalǵan. Jábirlenýshi kóligin kólikjýýǵa qaldyryp ketkenin, ony qaıta alǵan kezde 160 myń teńgeniń joǵalǵanyn anyqtaǵanyn aıtty. Bótenniń múlkin urlady degen kúdikpen 2000 jyly týǵan Ia.esimdi azamat ustaldy. Raıymbek dańǵyly boıyndaǵy azyq-túlik dúkeninde taǵy bir múliktik qylmys boldy. Saýda mekemesiniń ákimshiligi turmystyq zattardyń sanyna jetpeı, polısıaǵa habarlasqan. Anyqtalǵandaı, dúken sórelerinen 2001 jyly týǵan A.esimdi azamat urlyq jasap júrgen. Aıtpaqshy, ol buǵan deıin de osyǵan uqsas qylmysty jasaǵany úshin qylmystyq jaýapkershilikke tartylǵan. Ol da ustaldy», – dedi Jetisý aýdandyq polısıa basqarmasynyń bastyǵy Jánibek Shynasylov.
Eki jaǵdaıda da urlyq áreketteri beınebaqylaý kameralaryna túsip qalǵan. Tergeýshiler qazir kúdiktilerdiń osyǵan uqsas basqa da yqtımal qylmystarǵa qatysy bar-joǵyn anyqtap jatyr.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.