QR Mádenıet jáne aqparat mınıstri Aıda Balaeva Astanadaǵy SHYU samıtiniń nátıjeleri boıynsha aqparat jáne mádenıet salasynda qandaı ýaǵdalastyqtar ornaǵanyn aıtyp berdi, dep habarlaıdy almaty-akshamy.kz.
«Munda eki aspektini qarastyrý kerek. Birinshisi – Qytaı Halyq Respýblıkasynyń kóshbasshysy Sı Szınpınniń sapary. Onyń memlekettik sapary aıasynda mádenı-gýmanıtarlyq baǵyt boıynsha kelisimderge qol qoıyldy. Atap aıtqanda, Astanada qytaı mádenı ortalyǵyn jáne Beıjińde – qazaq mádenı ortalyǵyn ashamyz. Zań qazirdiń ózinde ratıfıkasıalanǵan jáne iske kirise alamyz. Bul Qazaqstan-Qytaı qatynastary tarıhynda tuńǵysh ret bolyp otyr. Alǵash ret mundaı yntymaqtastyq ınstıtýsıonaldy túrde júzege asyrylýda jáne árıne, bul mádenı ortalyqtar eki el halyqtarynyń bir-birimen jaqynyraq tanysýyna yqpal etedi», - dedi mınıstr Silk way telearnasyna bergen suhbatynda.
«Sondyqtan SHYU-ǵa tóraǵalyq etý jáne tutastaı alǵanda SHYU uıymyna kiretin elderdiń ózara is-qımyly birqatar máseleni sheshýge yqpal etedi. Atap aıtqanda, bizdiń mınıstrlik seriktestermen óte tyǵyz qarym-qatynasta jáne bizdiń elderimiz arasyndaǵy ekijaqty qarym-qatynastardyń damýyna yqpal etetin birlesken jobalar paıda bolýda. Keshe bizdiń kóshbasshylarymyz Qytaı men Qazaqstannyń ózara is-qımyly jańa sapaly deńgeıge kóterilgenin, bul bizdiń elderimiz arasyndaǵy ózara is-qımyldyń jańa dáýiri ekenin rastady. Sondyqtan bári, eń aldymen, memlekettik organdardyń qalaı jumys isteıtinine jáne qarym-qatynastardy odan ári nyǵaıtýǵa jáne tereńdetýge yqpal etetinine baılanysty», - dep tolyqtyrdy sózin A. Balaeva.