QR Ulttyq qaýipsizdik komıtetiniń burynǵy basshysy Kárim Másimovtiń isine qatysty sot bastaldy, dep habarlaıdy Almaty-akshamy.kz Astana qalalyq sotynyń baspasóz qyzmetine silteme jasap.
«2022 jylǵy 18 qarashada Kárim Másimovtiń isine qatysty sot bastaldy», - deıdi elorda sotynan.
Eske sala ketsek, bıyl 6 qańtarda Kárim Másimov UQK tóraǵasy laýazymynan bosatyldy.
Sol kúni Qazaqstan Respýblıkasy Qylmystyq kodeksiniń 175-baby 1-bóligimen memleketke satqyndyq faktisi boıynsha K.Másimovke qatysty sotqa deıingi tergeý bastaldy.
Sondaı-aq 6 qańtar kúni qylmysty jasady degen kúdikpen Ulttyq qaýipsizdik komıtetiniń burynǵy tóraǵasy K.Másimov, UQK tóraǵasynyń burynǵy orynbasary – «A» arnaıy maqsattaǵy qyzmetiniń bastyǵy A.Sadyqulov pen UQK tóraǵasynyń burynǵy orynbasary D. Erǵojın ustaldy.