Bokstan Astana qalasynda 4 jylda bir márte ótetin erler arasyndaǵy Spartakıada týrnıri uıymdastyrylady. Baıraqty boks básekesi "Beeline Arena" sport kesheninde 13-19 qarasha aralyǵynda ótedi, dep habarlaıdy almaty-akshamy.kz.
QR Boks federasıasy baspasóz qyzmetiniń málimetinshe, el astanasynda uıymdastyrylatyn jarysqa álem chempıondary Sáken Bıbosynov, Sanjar Táshkenbaı, Mahmud Sabyrhan, Nurbek Oralbaı jáne barlyq óńirden 250-den astam bylǵary qolǵap sheberleri synǵa túsetin bolady.
"Jekpe-jek olımpıadalyq júıe boıynsha ótedi. Erler 13 salmaq (46-48 keli, 51 keli, 54 keli, 57 keli, 60 keli, 63,5 keli, 67 keli, 71 keli, 75 keli, 80 keli, 86 keli, 92 keli, +92 keli) boıynsha jeńimpazdy anyqtaıdy. Boks básekesiniń barlyq jekpe-jekterin kúndizgi 15:00-den bastap, "Qazsport" telearnasy tikeleı efırde kórsetetin bolady. Fınaldyq jekpe-jekterdiń jeńimpazdary 19 qarashada anyqtalady. Týrnır jeńimpazdary aldaǵy ýaqytta ótetin iri halyqaralyq jarystarda el namysyn qorǵaıtyn bolady", delingen habarlamada.
Jankúıerler úshin kirý tegin.
Aıta ketsek, buǵan deıin Spartakıadany 2019 jyly Qyzylorda qalasy qabyldaǵan edi.