Almatynyń tazalyq sapasyna qatysty ótinish qabyldaıtyn jańa arna iske qosyldy, dep habarlaıdy oblys Almaty-akshamy.kz
Almaty qalasynyń komýnaldyq ınfraqurylymdy damytý basqarmasy qalada tazalyq sapasyna qatysty qala turǵyndarynyń ótinishin qabyldaý úshin Whats Arr arnasyn qurý týraly habarlaıdy.
Myna +7 706 689 88 98 Whats Arr nómirine qala turǵyndary joldardy, trotýarlardy jáne qalanyń qoǵamdyq paıdalaný oryndaryn tazalaýǵa usynys nemese shaǵym jibere alady. Arnanyń jumys rejımi jumys kúnderi saǵat 9.00-den 18.00-ge deıin.
Ótinishterdi úlgi boıynsha bir mátindik habarlamamen jiberý kerek:
Ótinish berýshiniń derekteri, baılanys nómiri (keri baılanys úshin), ótinishtiń máni, ýaqyty men kúni, ótinishke qatysty naqty mekenjaıy, bar bolsa fotomaterıal bekitý kerek.
Úlgi boıynsha jasalmaǵan ótinishter, kiris qońyraýlar, sonymen qatar, dybystyq habarlamalar tirkelmeıdi. Aýlaishilik aýmaqtar boıynsha habarlamalar qabyldanbaıdy.
Almaty qalasynyń kóshe-jol jelisin tazalaý jalpy uzyndyǵy 2698 km bolatyn 2318 kóshede júrgiziledi. Sanıtarlyq tazalaý 25 mln m2 aýmaqta 10 merdiger uıymnyń kúshimen júzege asyrylady, onyń 70%-yn "Almaty Tazalyq" jınaıdy.
Qysqy kezeńde bul jumystarǵa 818 birlik tehnıka men 1240 jumysshy tartylady.