Boljam boıynsha Ózbekstan halqynyń sany 2030 jylǵa qaraı 40 mln-ǵa jetedí. Būl turaly Ózbekstan Olıı Májílísí men Senaty jáne BŪŪ agenttíkteríníń qoldauymen ūıymdastyrylǵan «Azyq-túlík qauípsízdígín qamtamasyz etu jáne auyl sharuashylyǵynyń tūraqty damuyna qoldau kórsetu» atty semınar barysynda málím boldy, dep habarlaıdy almaty-akshamy.kz Kazinform -ge sílteme jasap.
Ózbekstan Respublıkasy Senaty baspasóz qyzmetíníń habarlauynsha, semınar osy elde BŪŪ Tūraqty damu maqsattary aılyǵynyń ayasynda ūıymdastyryldy.
Ís-sharaǵa sheteldík sarapshylar, halyqaralyq ūıymdardyń ókílderí, parlament deputattary, mınıstrlíkter men vedomstvolardyń ókílderí qatysty.
Semınarda azyq-túlík qauípsízdígí máselesí talqylandy. Sondaı-aq astyq kólemíníń kemuí, kún ótken saıyn qıyndap bara jatqan su tapshylyǵy, jerdíń qūnarsyzdanuy, sondaı-aq tūrǵyndar sanynyń artu máselelerí talqylandy.
«Ózbekstan úshín táuekelderdíń bírí tūrǵyndar sanynyń kúrt ósuímen baılanysty bolyp otyr. Keıíngí 30 jylda mūndaǵy halyq sany 15 mln adamǵa artyp, búgínde 36 mıllıonnan asqan. Boljam boıynsha 2030 jylǵa qaraı Ózbekstan tūrǵyndarynyń sany 40 mln adamǵa jetedí»,-dep habarlaıdy ÓR Senatynyń baspasóz qyzmetí.
Sondaı-aq jıynda klımattyń ózgeruí saldarynan jáne ózge de sebepter boıynsha su resurstarynyń sarqyluy su resurstaryn basqaruda belsendí áreket etu, su únemdeıtín tehnologıyalardy engííp, qosymsha su kózderín qarastyrudy qajet etíp otyrǵandyǵy aıtyldy.
Al jerdíń qūnarsyzdanuy men shóleıttenuí auyl sharuashylyǵy salasynyń tūraqty damuy men ekologıyalyq tūraqtylyqqa ker áser etíp otyr.
Aıtylǵandarǵa qosa bayandama jasaushylar Ózbekstannyń keıíngí jyldary azyq-túlík qauípsízdígín qamtamasyz etude jetístíkke jetken 10 eldíń arasynda aldyńǵy qatardy tūrǵanyn atap óttí. Mūndaı jetístík baqsha ónímderí, kartop, kókóníster, júzím, jemíster egístígí kólemíníń ūlǵaıtyluymen jáne mal sharuashylyǵynyń damuymen baılanysty múmkín bolyp otyr.